Bókaðu gistingu hjá okkur. Við hýsum einstaklinga, pör og smærri hópa.

Höfðagata er elsta starfandi gistiheimilið í Stykkishólmi. Það er vel staðsett  í bænum með fallegu útsýni og stutt er í alla þjónstu.

Garðurinn umhvefis húsið er gróinn og á góðum dögum er kjörið að sitja úti og jafnvel borða morgunmatinn þar.

Frá og með 1. október 2017 verður ekki boðið upp á morgunverð en gestum okkar er velkomið að nota aðstöðuna til að útbúa sinn eigin morgunverð.

Stykkishólmur er einn fallegasti kaupstaður á Íslandi og þó víða væri leitað. Fjölbreytt úrval af veitingastöðum er í bænum auk skemmtilegra safna m.a. Vatnasafnið, Eldfjallasafnið og Norska húsið. Þá státar bærinn af mörgum gömlum og fallegum húsum í elsta hluta bæjarins og er hægt að fá fræðandi og skemmtilega leiðsögn um sögu húsanna. Vatnið í Stykkishólmi er vottað og þykir mjög heilsusamlegt. Það eru því margar ástæður fyrir því að koma í Hólminn og þarf engum að leiðast þar.

Þá má ekki gleyma þeim möguleika að fara í siglingar um eyjarnar. Flatey sem jafnan er kölluð perla Breiðafjarðar er eyja sem allir ættu að heimsækja. Þar hefur tíminn staðið í stað - að koma þangað er eins og að ferðast 100 ár aftur í tímann.

Fyrir þá sem hafa gaman af golfi þá er góður golfvöllur í Hólminum.